Mannen var åleine i bilen då han kom midt i eit mellom ti og 20 meter breidt jord og steinras på riksveg 609 mellom Førde og Askvoll. Riksveg 609 er stengd på staden.
- LES OGSÅ:
- Mannen hadde nett køyrd forbi ein bil då han såg raset komme. Han vart dratt ut i fjorden. Medan bilen flaut i fjorden klarde han å komme seg ut, fortel reporter Bård Siem som er på staden.
Utruleg flaks
Ambulanse og politi kom tidleg til staden.
Foto: Bård Siem / NRKPolitiet opplyser at mannen ikkje ser ut til å ha fått fysiske skader, men seier også at bilføraren har hatt utruleg flaks at det ikkje gjekk verre. Mannen vart send til sjukehus i Førde med ambulanse etter den dramatiske hendinga.
- Han kom seg ut etter at bilen hamna i fjorden, og det framleis rasa. Dette kunne gått langt verre, seier politiet på staden.
- Bilen ligg framleis og balanserer i fjorden heilt inne ved land, fortel Siem.
(Artikkelen held fram under biletet)
Medan bilen låg i fjorden, klatra føraren ut og kom seg i land.
Foto: Vegar Erstad / NRKSåg i spegelen
Politiet opplyser at det ikkje er noko som tyder på at det var fleire personar i bilen, eller fleire bilar involvert. Mannen har sjølv fortalt politiet at han såg i spegelen at ingen fleire bilar vart tekne.
- LES OGSÅ:
- Føraren var åleine i bilen og han kom seg uskadd ut av bilen. Det er ingenting som tyder på at det var fleire i bilen, eller fleire bilar involvert, opplyser operasjonsleiar Leif Bell ved Sogn og Fjordane politidistrikt.
Dykkarar skal no ned og kontrollere at det ikkje er fleire i bilen. Geologar vil også kome på synfaring.