Det fekk ein tyskar i bubil og ein nederlendar i bil med campingvogn erfare laurdag ettermiddag. Då møttes dei nemleg på vegen mellom Olden og Innvik på riksveg 60.
- Kunne ikkje rygge
Det var for smalt til at dei kunne passere kvarandre og då måtte den eine rygge.
Bilføraren med campingvogna gjorde fleire forsøk, men lukkast ikkje.
– Han kunne rett og slett ikkje rygge. Eigentleg burde bubilen rygga, men dei var vel like dårlege begge to, seier Ingar Førde frå Bjordal i Høyanger.
Gjekk fram for å hjelpe
Han var ein av mange som vart sitjande i kø medan dei to prøvde å komme forbi kvarandre.
– Eg og ein annan kar fann ut at vi måtte hjelpe til slik at vi fekk løyst opp floka.
Dermed sette han seg bak rattet i bilen til nederlendaren og fekk vogna på rett kjøl igjen.
– Eg køyrde med hengar sjølv, så eg kunne iallefall rygge betre enn han.
Etter ei kvarter kunne alle bilane halde fram turen sin.
