– Vi har eit stort problem med boss rundt bygga våre fordi folk ikkje gidd å kaste bosset i søppelspanna.
Det seier senterleiar Gro Eikebø Stang ved Førde Torg og Elvegården til firda.no.
Brukar 100.000
Dei to forretningsbygga har hyra inn ungdommar som har fast jobb med å rydde vekk søppel før dei går på skulen.
– Det kostar oss 100.000 kroner årleg å rydde opp i bosset som vert kasta på bakken om kveldane og nettene, seier Eikebø Stang til avisa.
Vurdererer kameraovervaking
Boss som flyt har lenge vore eit problem. Verst er det på torgplassen mellom Førde Torg og Elvegården.
Ei løysing som blir vurdert er å installere overvakingskamera.
– Men det blir eit kostnadsspørsmål, seier Eikebø Stang som helst hadde sett at folk nytta seg av dei fastmonterte bossdunkane på området.