Elise Thorsnes og Røa leiar no serien, etter at dei laurdag slo Lillestrøm 3-0 på heimebane i Toppserien.
Thorsnes var kampens sentrale spelar, då ho var involvert i alle måla:
- 1-0: Fem minutt ut i andre omgang fekk spissen draumetreff frå om 25 meter. Ballen gjekk i ei kurve inn i høgre hjørne.
- 2-0: Sju minutt seinare var Thorsnes frampå med målgjevande pasning til Emilie Haavi.
- 3-0: Thorsnes sette ballen kontrollert i mål på pasning frå Haavi.
- Det er digg å leie serien, seier Røa-trenar Geir Nordby til dynamitegirls.no.
Røa får truleg berre låne tabelltoppen i nokre dagar. Tysdag spelar nemleg Siri Nordeide Grønli og Stabæk hengekamp heime mot Amazon Grimstad.