Fredheim Klaesson var på veg frå Innvik mot Olden då raset kom i 09.30-tida. Ho har aldri tidlegare tenkt på at det kan gå ras på staden.
- Eg stogga for ein lastebil, og då den hadde passert, var steinane komne ned 50-60 meter lengre framme. Lastebilen var nok akkurat kome forbi då raset gjekk, fortel ho.
(Saka held fram under biletet)
- Våga ikkje stå der
Sjølv om ho ikkje var nær ved å bli treft av steinane, var det ei skremmande oppleving. Raset kom like etter "Ugla", ved Knarrurda - eit namn den fekk etter ei stor blokk som tidlegare har losna og hamna i fjorden.
- Eg snudde bilen og køyrde tilbake til Ugla. Skulle det komme meir, så ville eg ikkje stå der, fortel Fredheim Klaesson.
- Kunne gått gale
Bilistar som kom til flytta på steinane for at trafikken skulle komme forbi. Dei største blokkene vart liggande att i vegkanten. Jogeir Agjeld fortel om fleire små og store store, ei på truleg fleire hundre kilo, som har losna frå høgt oppe i fjellsida.
- Hadde det vore ein bil der, så hadde det gått gale. Det er fleire hakk i vegbana. Dette er nok ei stadfesting på at Olden-Innvik er ein rasutsett veg, seier han.
- Vil komme meir
- Klart det var skremmande når det kjem slike ras, legg Fredheim Klaesson til.
I midten av mars vart vegen
. Agjeld trur ikkje raset i dag blir det siste. Vegstrekka er del av hovudvegen mellom Bergen og Trondheim. Med stillstand på flyplassane i Norge, er det no fleire reisande på vegen enn normalt.- Det har kome ned mykje mindre stein i vegbana. Fjellet i heile området er dårleg og porøst, og fjellet ligg på utgli. Her vil det komme meir, fryktar han.