Dei vel 70 sjukehusaksjonistane frå Sogn og Fjordane, er framme i Oslo. No demonstrerer dei framfor Helse- og omsorgsdepartementet saman med folk frå heile landet som kjempar for sine lokalsjukehus.
Bente Øien Hauge er koordinator for Folkerørsla for lokalsjukehusa og har tatt turen over fjellet for å halde appell for Helseminister Anne-Grete Strøm-Erichsen. Ho skal mellom anna illustrere ein tunnelfødsel for å vise ein av konsekvensane nedlegging av lokalsjukehus kan få.
- LES OG;
Det er aksjonistgruppa for Aker Sjukehus som er ansvarleg demonstrasjonen. På grunn av truslar om nedlegging av sjukehus over heile landet, vart alle som kjempar for sine lokalsjukehus invitert til å vere med.
Tidlegare i dag køyrte to bussar med aksjonistar frå mellom anna Eid og Lærdal til hovudstaden for å delta på demonstrasjonen.