Feirar samband med gratis tomt

Ordføraren ventar at øyane Byrknes, Mjømna og Sandøy vil bli attraktive buområde når Brandangerbrua kjem på plass i november.

Hus i Gåta

For å hjelpe på tilflyttinga, og for å skape blest om båd feiringa og dei ledige tomtene i kommunen, vartar Ytre Gulen Sanitetslag og Gulen kommune opp med gratis tomt til første familien som vil bygge hus i det kommunale byggefeltet Gåta, på Byrknes.

- Vi har lyst til å skape optimisme og sjå om vi kan marknadsføre Byrknes og øyane som ein god plass å bu på denne måten. Og så gjer vi det spesielt no for å starte feiringa fordi øyane i Gulen skal få fastlandssamband til hausten, fortel ordførar Trude Brosvik.