Trude Bakke blir programleiar

I kveld skal 27-åringen frå Værlandet i Aksvoll ha si første hovudsending som programleiar på Vestlandsrevyen.

– Eg er veldig spent på kvelden, seier ho.

– Ei stor ære

Dei siste dagane har Bakke fått opplæring i Bergen, og i går fekk ho prøve seg som programleiar i 20.55-sendninga.

• SJÅ DEBUTEN: 20.55-sendinga i går

Men det er først i kveld at det endelege startsskotet går den nye programleiaren. Då skal ho nemleg ha si første hovudsending. Den startar klokka 18.40.

– Det er ei stor ære å få denne moglegheita. Eg er stolt av å vere NRK sitt andlete utad, for eg er stolt av arbeidsplassen min og produkta vi leverer, seier Bakke.

27-åringen starta som sommervikar i NRK Sogn og Fjordane i 2006, og har sidan vore tilsett i redaksjonen. Ho har jobba som journalist og vaktsjef på radio og fjernsyn, og programleiar på radio.

• Les meir om Trude Bakke

Bakke skal vere vikar for dei faste programleiarane i Bergen. Denne veka skal ho ha alle sendingane.

Likar å presentere nyheiter

– Det er ei ny rolle å vere programleiar på tv. Eg har alltid likt å presentere nyheiter på radio, men det er ei ny utfordring å gjere det på tv, seier Bakke.

Ho fortel at det er mykje å tenke på når ein står framfor kamera.

– Det er mykje som skal klaffe. Det er fleire ting å tenke på enn ein kanskje trur når ein ser på tv sjølv, seier Bakke.

– Sterkare identitet for sjåaren

– Vestlandsrevyen er vår lokale tv-sending. Difor er det viktig at vi også syner att blant programleiarane for å sikre at sjåarane i Sogn og Fjordane føler ein sterk identitet til sendinga, seier redaksjonssjef Roy Raasholm Fauske i NRK Sogn og Fjordane.

• SJÅ: Vestlandsrevyen i kveld

– I tillegg er det jo denne typen oppgåver ei fagleg gulrot for dei tilsette på kontoret, seier Raasholm Fauske.