Skal ikkje dela ut biblar i skuletida

- Det vert no teke initiativ til at litteratur og andre medium ikkje vert leverte ut av representantar frå trussamfunn i skuletida, og det kan ver både Kyrkja, Human-Etisk Forbund og muslimske organisasjonar, seier Floraordførar Bente Frøyen Steindal.

- Ikkje ulovleg utdelte klasselister

Foreldre var kritiske til at 5.klassingar i Flora fekk utdelt biblar på skulen. Kommunen fekk også kritikk av datatilsynet for å ha delt ut klasselister utan samtykke frå foreldra.

Under bystyremøtet i Flora tysdag måtte Frøyen Steindal svara på ein interpellasjon frå SV om lovlegheita i å dela ut klasselister i samband med bibelsaka.

- Det har ikkje vorte gjort noko ulovleg når det gjeld å dela ut klasselister, seier ordføraren.