Aarethun ny leiar i Lærdal Ap

Det avgjorde årsmøtet måndag kveld. Aarethun var innstilt av partiet og fekk 21 av røystene. Barnevernsleiar i Årdal, Hadle Blikra melde sitt kandidatur i helga, men fekk berre 15 røyster. Tre medlemer røysta blankt.

Krass kritikk

Nemnde Blikra innleia årsmøtet med krass kritikk mot årsmeldinga. Som ordførar gjorde Sanden endringar i budsjett og økonomiplan for Lærdal kommune, utan å orientere rådmann Bent Arild Grytten. Dette var starten på konflikten mellom ordføraren og rådmannen i kommunen.

Blikra kritiserte ordføraren for heller ikkje å høyre på medlemane i partiet i samband med dette. Sanden ville ikkje svare på skuldingane under møtet og meinte det kring 20 minuttar lange innlegget var misbruk av årsmøtet si tid.