- Har gjort plass til meir snø

Med brøytekantar på nær fire meter, skulle ein tru at innbyggjarane der har fått snø nok for både ein, to og tre vintrar framover.

• LES OGSÅ: Uvér stengde vegar

- Men det har ikkje kome ned så mykje snø. I hovudsak skuldast det fokksnø, seier brøytebilsjåfør Ole Sætren i Måløy.

- Hugsar ikkje sist

Han, og fleire med han, har hatt ein hektisk fredag med å opne fylkesveg 600 mellom Raudeberg og Kråkenes, og fylkesveg 632 mellom Skårbø og Leikanger i Selje. I ettermiddag kunne bilane igjen ta seg fram på fylkesvegane. Men spesielt på Kvalheimsfjellet blir det med stadvis svært høge brøytekantar.

• SJEKK: Trafikkmeldingane for Sogn og Fjordane

- Eg kan ikkje hugse sist det var slike brøytekantar. Dei er mellom tre og ein halv til fire meter på det høgaste, seier Sætren.

- Toler ingenting

Og verre kan det bli, dersom vergudane held fram med å drysse snø over Vågsøy.

- No toler det ingenting. Kjem det meir snø og vind, så er det tett att med det same, seier han og ikkje heilt veit kva han skal tru om vermeldingane framover.

• SJEKK: Vermeldinga på yr.no

- Nokre seier det skal kome meir snø, medan andre seier det blir fint framover. Eg får stå opp i morgon å sjå, ler han.