Norge og EU signerte avtalen

Norge har gjort fleire forsøk på å få i stand ein langsiktig avtale sidan norske makrellfiskarar vart kasta ut av EU-sona i fjor haust.

• LES OGSÅ: Brot i makrellforhandlingane

- Det er gledeleg. Avtalen er svært viktig for fiskerinæringa. Det har vore ein lang konflikt, seier administrerande direktør Gunnar Domstein i verdas største sild- og makrellselskap, Norway Pelagic.

Vart kasta ut

Den nye avtalen regulerer viktige forhold som fordelinga av den totale makrellkvoten og spørsmål om gjensidig sonetilgang. Etter mange år med årlege ad hoc-avtalar, vart norske farty på makrellfiske kasta ut av EU-sona 2. oktober i fjor. Då hadde norske farty framleis att ein kvote på kring 75 000 tonn makrell.

- Den blir no skubba fram til i år, og det betyr det same som at med dei avgrensingane ein har i år, så kan det bli vanskeleg også i år å få opp kvotane, seier Domstein.

Framsynte vilkår

Norske fiskarar kan i år fiske 246 000 tonn makrell. Avtalen som no er signert betyr meir framsynte råmevilkår for Norway Pelagic, i form av stabile og høge leveransear frå både norske og utanlandske farty. Den inneber utvida tilgang til kvarandre sine soner i 2010 og full tilgang frå 2011.

- For norsk side er det viktig å ha fått til ein avtale med EU, fordi makrellen er viktig for Norge. Ikkje minst har Norge og EU no ei felles sak i høve mellom anna Island og Færøyane i den diskusjonen som kjem kring dei framtidige kvotane, seier Domstein.