- Det har vore det vi kan kalle ein offensiv i det siste, seier lensmann Jan Egil Tvinde ved Førde og Naustdal lensmannskontor.
Fryktar smitteeffekten
Det er særleg området ved Førdehuset og Førde ungdomsskule som den siste tida har vore utsett for tagging på diverse veggar og murar.
- LES OGSÅ:
Fredag var politiet i møte med leiinga på Førdehuset i håp om å kunne finne gode tiltak mot tagginga.
- Vi prøver å finne ut kven som står bak dette, og nokon har vi allereie funne. Vi er redde for at fleire skal bli inspirerte. Tagging har ein smitteeffekt, seier Tvinde.
Hamnar ofte i konfliktrådet
Førde har tidlegare ikkje hatt noko særleg problem med tagging, og lensmannen håpar no å kunne stanse utviklinga før den har komme skikkeleg i gang.
- Det ser ut for at vi har ein liten topp no. Så snart vi får teke luven av det, så er vi nok tilbake til normalen, seier Tvinde.
Ifølgje lensmannen er strafferamma for skadeverk på fleire års fengsel, men i mange tilfelle hamnar slike saker i konfliktrådet.