- Det er ikkje blitt meir kongeørn

Leiar Alv Ottar Folkedal meiner bondelaget har mistolka situasjonen når dei meiner at bestanden av kongeørn har auka.

- Vi har i dei ulike fylka, også i Sogn og Fjordane, ganske handgripelege tal. Vi veit til dømes at i 2009 var det ein dårleg hekkesesong for Kongeørn over heile landet, seier Folkestad.

- Det held ikkje

Folkestad seier at 2009 var ein dårleg hekkesesong for kongeørn over heile landet. Men etter at to hundar på kort vart drepne av ørn, og søknadane om erstatning for husdyr tekne av ørn er dobla. Og i Årdal blir to kattar nekta å gå ut på grunn av frykt for ørn. Bondelaget meiner ørnebestanden har auka.

• LES OGSÅ: - Dachs drepen av ørn

- Dei kan ikkje seie at vi har mista mykje dyr i år, og det må det vere kongeørna som har gjort. Det viser seg at når ein brukar slike resonnement så held det ikkje, fordi mesteparten av tapa har heilt andre årsaker, seier Folkestad.

Ber om kartlegging

Nestleiar i Sogn og Fjordane bondelag, Jon Nummedal, vedgår at dei slit med å dokumentere påstanden. Og seier det er difor dei har bede fylkesmannen om å raskt setje igang ei kartlegging.

• LES OGSÅ: Ørn gjekk til angrep - drap hund

- Vi har ikkje god dokumentasjon på ørnebestanden, og det er det som er problemet i denne saken. Vi etterlyser betre dokumentasjon på utvikling av ørnebestanden i fylket, seier Nummedal.