- Det var godt å få sjå ho att. Både for oss og dottera hennar, seier eigar Magne Lilleheier.
I går fekk han beagelen Lotta heim igjen, etter at ho hadde vore sakna i fjellet i to veker. Ho forsvann under jakt like før jul.
- LES MEIR:
Mista hunden sin til ørna
To dagar etter at Lotta forsvann i fjella på austsida av Fjærlandsfjorden ved Hella, opplevde det same jaktlaget at også den tyske jaktterrieren Terry forsvann under hjortejakt i Luster.
- Det er heilt forferdeleg. Det var ein fantastisk hund ørna tok, og det er som å miste eit familiemedlem, seier Nils Arne Skjerven.
- LES OGSÅ:
Han var eigar av Terry, som til slutt enda sine dagar i klørne til ei ørn.
(ARTIKKELEN HELD FRAM UNDER BILETET)
Ørnebestanden har auka
Måndag kveld konkluderte fjelloppsynsmann Einar Fortun med at også Lotta hadde vore i nærkontakt med ørn. Tydelege merke etter ørneklør på ryggen kan tyde på at ørna har prøvd å drepe hunden med å sleppe den i bakken frå stor høgde.
Ifølgje
har Fortun registrert at ørnebestanden har auka monaleg langs heile Sognefjorden dei siste åra. Det har også Nils Arne Skjerven.- Det byrjar å bli gale når det er så mykje ørn. Ein og samme dag observerte vi åtte ørnar i Luster vestre statsalmenning. Nyttårsdagen sat vi og kikka etter hunden på Hella, og då såg vi tre ørnar i flokk, seier den røynde jegeren.
Vil ha fellingsløyve på ørn
Skjerven har den siste tida observert generelt mykje ørn - både kongeørn, fiskeørn og havørn.
- No må sentrale styresmakter ta tak og regulere både fugl- og rovdyrstammen generelt, seier han.
- Er du med dette ute etter hemn over ørna?
- Nei. Eg meiner vi må ha rovdyr i norsk natur, men alt med måte. Uansett er det no for mykje ørn, seier han.
Skjerven har tysdag vore i kontakt med Fylkesmannen, og vil no sende søknad om fellingsløyve på ørn. Han håpar styresmaktene også snart startar ei skikkeleg teljing av bestanden.