- Kvinna kom på sykkel langs hovudvegen, då ho vart påkøyrd av ein bil som kom frå parkeringsplassen ved butikken, seier operasjonsleiar Arild Stokkereit ved Sogn og Fjordane politidistrikt.
Politiet fekk i morgontimane beskjed om at ein syklist var påkøyrd i Eikefjord sentrum.
Kvinna skal ha blitt kasta av sykkelen, etter at bilen trefte sykkelen i forhjulet. Ho skal vere lettare skada etter møtet med bakken.
- Etterforskinga vil vise kva som er grunnen til at bilisten køyrde på kvinna, seier operasjonsleiaren.