Kven dei er, kva slags politisk parti dei representerer, slektskap og kva slags andre relasjonar dei har til sjukehusstriden i Sogn og Fjordane?
- LES OGSÅ:
Mediefolk på lista
Ordførar Arne Sanden i Lærdal er gift med ein sjukepleiar på ortopedisk avdeling ved Lærdal sjukehus.
Dette kjem fram i den omfattande presentasjon av dei mest sentrale aktørane i sjukehusstriden i Sogn og Fjordane.
Også mediefolk står på lista, og journalist Jan Egil Fimreite i Sogn Avis har ei kone som er aktiv i Forsvar Lærdal sjukehus.
HER ER NETTVERKA:
Er dette problematisk eller er det heilt naturleg i eit lite fylke som Sogn og Fjordane?
– Problematisk
– Det er problematisk, men ganske naturleg. I mindre samfunn er det mangel på kompetansearbeidsplassar, og derfor vil ofte mediefolk, politikarar og andre ha ein personleg relasjon til ein stor og viktig arbeidsplass som eit sjukehus, seier professor Frank Aarebrot.
Forklaringa er enkel, ifølgje Aarebrot:
– Ganske enkelt fordi kona, mannen eller andre er tilsette der. Slik er det i små kommunar.
Men Aarebrot syntes likevel det er problematisk med slike relasjonar.
– Det er jo problematisk fordi desse menneska driv samfunnspåverknad utan at dette er kjent for lesarane eller lyttarane at dei faktisk har ein familieinteresse i å ta vare på sjukehuset. Derfor bør slik informasjon vere kjent for alle, meiner Aarebrot.
Ikkje skjult
Han meiner alle burde ha opplyst om kva slags bindingar dei har i ulike saker, særleg tilsette i media.
– Det er ingen grunn til å skjule slik informasjon, og det skader ikkje. Alle har ein relasjon utan at det nødvendigvis påverkar den konkrete jobben dei gjere, seier professoren frå Bergen som sjølv har opplyst offentleg at han er Ap-mann.