Høgre vil ha svar på geologrot

Det hevdar stortingsrepresentant Bjørn Lødemel (H).

• LES OGSÅ: Albert (9) vakna av steinraset

Først tolv timar etter raset kom ein geolog kom til staden for å kontrollere faren for nye ras. Ifølgje Lødemel er dette uhaldbart.

Tek saka på Stortinget

Lødemel kjem i dag til å ta saka opp i spørjetimen på Stortinget i dag.

– Eg tykkjer det som kom fram etter raset i Årdal er urovekkjande, seier Lødemel.

Difor vil han stille spørsmål til olje- og energiministeren for å få svar på kven som har ansvaret. Han meiner ansvarsområda ikkje er klare nok.

– Det kan tyde på at det er ein glipp i systemet som gjer at ein ikkje har heilt oversikt over kven som har ansvaret, seier Lødemel.

Legg ansvaret på kommunane

Men Sigrid Hjørnegård, statssekretær i olje- og energidepartementet, meiner det er kommunane sitt ansvar å kontrollere faren for nye ras i områder der det har gått ras.

– Ansvaret som kommunane har er klart. Det er dei som kjenner områda beset, seier Hjørnegård.

• LES OGSÅ: Måtte hente pensjonert geolog

Fylkeskommunen kutta stillinga til fylkesgeologen i Sogn og Fjordane etter at NVE fekk ansvaret for rasberedskapen i landet. Men NVE hevdar dei berre har førebyggjande ansvar.

– Urealistisk

Lødemel meiner det ikkje kan vere opp til kommunane å skulle kontrollere faren for nye ras sjølve.

– Det er heilt urealistisk. Difor må dette vere ei samordning, seier Lødemel.

• LES OGSÅ: - Eg skalv og var veldig redd

No krev han ei rask avklaring på kven som har ansvaret for rasberedskap, slik at ein unngår nye situasjonar som i Årdal - der 19 bebuarar vart evakuerte utan å vite når det var trygt å flytte heim att.

– Det er viktig at ministeren kjem med eit svar slik at vi kan komme vidare, seier Lødemel.