Thorsnes vil til utlandet

Elise Thorsnes frå Leikanger avgjorde laurdag cupfinalen for kvinner då ho skora det avgjerande målet for Røa.

I løpet av hausten skal ho vurdere kva norsk klubb ho skal spele for komande sesong.

– Både Røa og Stabæk er aktuelle, seier Leikangerjenta som blir i Norge minst eitt år til.

Seinare er målet å bli proff i utlandet, og då er Frankrike, USA og Sverige aktuelle land.

– Ved nyttår kan det bli aktuelt å skaffa seg agent, seier Thorsnes som til no har hatt faren sin som rådgjevar ved klubbytte.