Førdetap på heimebane

Førde-herrane tapte mot eit langt betre lag heime i fyrste seriekampen i volleyball.

Ikkje nøgd

Fyrst midt ut i tredje settet glimta Førde til med nokolunde godt spel og heldt følgje med laget frå Bergen. Men også dei siste ballvekslingane gjekk i favør av Nyborg.

Trenaren til Førde, Frank Karlstad, var ikkje mykje fornøgd etter kampen.

- I dag mangla vi trøkk og vi slite heile vegen. Vi var nok prega av stundens alvor, seier han som i år har tatt over jobben etter Arild Undheim. Ambisjonane er å å føre den positive statistikken for laget vidare.

Skal kjempe i teten

Nyborg er seriefavoritt, men Karlstad meiner Førde skal vere med å kjempe i teten. Førde har mange solide spelarar med lang erfaring og sjeldan hatt ein så brei stall som denne sesongen.

- Vi fekk bank

Men trass i solid stall, med proffspelar Geir Eithun med i fyrste seksaren, får ikkje herrane det heilt til på bana.

- Eithun er ein del av laget og vi kan ikkje forvente at han gjer det store åleine. Mange spelar for dårleg, seier trenar Karlstad.

- Nyborg var godt organisert, vi får bank og då kan vi ikkje gå rundt å smile, seier ein misfornøgd Geir Eithun.

Settsifra vart 17-25, 22-25 og 21-25.