Det var ikkje berre regndråpar som dryssa over friidrettsutøvarane på Nadderud i helga. Fasiten etter Ungdomsmeisterskapen er 27 medaljar til Sogn og Fjordane. Av desse var seks av edlaste valør.
Sterkt av Florø
Etter , følgde Endre Kvame Berstad (Oppstryn) opp med bronsemedalje på søndagen. Florø sette punktum med bronsemedalje på 4x1 000 meter stafett.
Heile ti klubbar frå fylket tok medaljar, men Florø T&IF peiakr seg ut som den største medaljegrossisten med heile 16 medaljar. Klubben er med å kjempar om topplasseringa i guteklassa i samandraget. Florø er også venta å vere blant dei beste totalt.
To gull, sølv og bestemannspremie
I krinskonkurransen tok Sogn og Fjordane ein sterk 3. plass bak Hordaland og Akershus. Tek ein omsyn til innbyggjartala, er det ein svært sterk prestasjon.
Medan Florø peika seg ut på klubbnivå, var Marte Rygg Årdal (Brodd) mellom utøvarane som utmerka seg mest. 17-åringen frå Gloppen henta heim to gull og ei sølv, samt prisen frå Friidrettens Venner. For gullkastet i slegge, vanka det også bestemannspremie i årsklassa si.