Brannalarmsentralen fekk melding om brannen klokka 20.33. Ein halvtime seinare var brannen under kontroll. Ingen budde i huset.
- Det tok fyr på taket, men brannen eg trur den er sløkt no. Huset har fått litt skade i eine hjørnet, fortel Ronny Svellingen.
Glo frå jonsokbål
Han var saman med folkemengda på fleire hundre personar som var samla til jonsokfeiring ved kaien på Øyra. Midt i programmet oppdaga oppdaga einkvan flammane som var iferd med å utvikle seg på det "gamle prestøyhuset".
- Huset ligg om lag 60-70 meter frå bålet. Det var glo frå bålet som sette fyr på huset, seier Svellingen.
Ubebudd
Huset er i kommunalt eige og står til nedfalls. Kommunen har også gjerda det inn.
- Det var ikkje tendens til panikk, men nokre av borna som var her byrja å grine, seier Svellingen. Nokre minutt etter at brannen vart oppdaga, var brannmannskapet på plass og tok til med sløkkingsarbeidet - og jonsokfeiringa kunne halde fram.