Fundo-direktøren går av

Arvid Ullebø

Foto: NRK

- Det er personlege grunnar til at eg no sluttar. Ut over dette har eg ingen kommentar. Det kjem ei pressemelding seinare i dag, seier ein kortfatta Arvid Ullebø til Bergens Tidende.

Dei tilsette ved fabrikken som har over 300 tilsette vart informerte på eit allmannamøte klokka 14 i dag.

Ny direktør

Styret i Fundo Wheels i Høyanger har engasjert Thorstein Abrahamsen som ny direktør. Direktørskiftet skjer umiddelbart.

Abrahamsen er i dag tilsett i Hartmark Consulting.

Bilfelgprodusenten i Høyanger har slite med økonomien over lengre tid. Første kvartal i år presenterte dei eit underskot på 2,6 millionar kroner. Styret peikar på at det trengs omfattande tiltak for å lønsam drift ved verksemda.

Ullebø som har vore direktør sidan 1998, har valt å overlate den vidare omstillinga til andre, heiter det i ei pressemelding frå styret.