Nytt håp for Fundo

Bergens Tidende skriv at ein utanlandsk investor er interessert i å satse på hybridfelgen, som er utvikla av Fundo i Høyanger.

Innovasjon Norge positive

- Vi snakkar om ein produksjon som kan gje rundt 150 arbeidsplassar, seier ordfører i Høyanger, Kjartan Longva, til avisa.

I følgje Longva er Innovasjon Norge orientert om kontakten, og har gjeve positive tilbakemeldingar.

Det statlige tiltaksorganet har pant i både hybridfelgen og fabrikken. Og Innovasjon Norge eig i praksis begge delar etter at Fundo måtte i skifteretten.

Longva seier han venter ei avklaring før påske.