Øvinga vert arrangert som følgje av den generelle risikoen knytt til ferdsle på veg og jernbane over fjellovergangane i Hordaland og Sogn og Fjordane.

Spesielt vinterstid er det vanskeleg forhold over fjellovergangane og det er beredskapen under ekstremvêr ein no skal trene på.

Kronprinsessa observatør

Kronprinsessa vil følgje mannskapet til Sivilforsvaret under ”Øvelse Vikafjell”. Dei skal øve på å forflytte seg i vanskeleg terreng og under ekstreme vêrforhold.

I tillegg skal dei trene på sikring og evakuering av personar i bilkolonne, der leiing, samband, kommunikasjon, orden trafikkdirigering og samspel mellom ulike aktørar er viktige moment.

Under øvinga deltek Sivilforsvaret saman med Røde Kors Hjelpekorps og Norske Redningshundar. I ein reell krisesituasjon er det politiet som har ansvar for å koordinere redningsaksjonane.