Til saman er 29 personar pågripne i ein narkotikaaksjon i indre Sunnfjord denne veka. Politiaksjonen har hovudsakleg vore retta mot nye brukarar i alderen 17 til 22 år.
Vekkar i miljøet
- Det er eit nytt miljø vi har fått innblikk i. Vi håpar å få sett ein vekkjar i det miljøet og elles i befolkninga, seier politiførstebetjent Gunnar Englund.
Politiet har gjort ransakingar og pågripingar av til saman 29 personar. Dei aller fleste er menn i alderen 17 til 23 år.
Dei fleste pågripingane er gjort i Førde. I tillegg er det gjort ei pågriping i Bergen, ei i Florø, ei på Sandane og ei i Nord-Noreg.
Har erkjent narkobruk
Alle, utanom ein person, har erkjent bruk av narkotika. I tillegg har 8-10 personar erkjent sal av narkotika.
- Dei har erkjent omsetnad av 20 til 100 gram hasj. Nokon har også erkjent befatning med amfetamin og ecstasy, seier Englund.
Torsdag kveld vart ein mann i 40-åra då han kom køyrande til Førde. Utover dette har politiet berre beslaglagt mindre mengder narkotika.
Ni personar har fått bøter for bruk av narkotika på mellom 3000 og 7500 kroner. Andre saker blir avgjorde i tingretten, men er enno ikkje ferdig etterforska.
Omfattande aksjon
17 polititenestemenn frå kommunane i indre Sunnfjord har delteke i aksjonen denne veka. Aksjonen har vore retta spesielt mot ungdomsmiljø og nye brukarar.
- Vi har hatt fokus på at denne bruken ikkje er lovleg og får konsekvensar. Vi viser at det er risiko for at unge brukarar blir oppdaga, seier Englund.
Torsdag pågreip . Englund seier at dei ikkje har samarbeidd med politiet i Stavanger i denne saka.
