Raset gjekk måndag føremiddag. Ingen bilar skal ha blitt treft av raset.
Torbjørn Lofnes var på veg frå Førde til Bergen, og han vart stoppa av raset etter oppstiginga ved Instefjord på E39.
Enorm steinblokk
- Det har gått eit enormt stort stein- og moldras. Ei blokk var like stor som huset mitt, så eg trur vegen blir stengd ei stund, seier Lofnes.
Han gjekk ut av bilen for å filme raset, og då rasa det framleis frå fjellsida.
- Då byrja det å rase igjen, og så sprang eg. Eg veit ikkje om det er ferdig å rase. Eg måtte berre køyre vidare mot Rutledal, seier han.
Stengd til tysdag
Vegen blir ikkje opna før tysdag.
- Det er ei stor blokk, og vi må gjerne til med ein borerigg for å sprenge steinblokka, seier Stig Arild Øystese, vaktoperatør i Statens vegvesen.
Måndag ettermiddag er geologar i helikopter for å vurdere omfanget av raset. I følgje vegvesenet er det fare for at det kan rase ytterlegare frå staden.
- Må rekne med venting
Anbefalt omkøyring frå vegvesenet er riksveg 57 via ferjesambandet Leirvåg-Sløvåg-Skipavik. Makshøgde på køyretøy på omkøyringvegen er 3,90 meter på grunn av ein tunnel i Gulen.
- Reisande må rekne med noko venting, men ferja vil gå utover kvelden og natta, seier direktør for Kommunikasjon og Merkevare ved Tide ASA, Arild Sondre Sekse.
Endrar rute
Tide Sjø vurderer å endre ruta si, mellom anna å kansellere anløp ved Skipavik, for å ta unna all trafikk som følgje av raset på E39.
SJÅ:
Ferja "Odda" tek 67 bilar og er sett inn på strekninga fordi ferja "Bømlo" har
. Seinast .