Jervebestanden ute av kontroll

- Det er vanskeleg å ha full kontroll. Jerven går på tvers av fylkesgrensene og ynglar der. Men problemet med jerv skal ein ikkje ha på denne sida av grensa, seier Nils Erling Yndesdal.

Han vil setje i gang fleire tiltak for å få kontroll over jerven. Yndesdal meiner det er lettare å få oversikt vinterstid når jerven er lettare å spore i snøen.

- Bøndene endeleg høyrde

Leiar i Skjolden sankelag, Arne Rebni Øverås, tykkjer det er flott at fylkesmannen no vedgår at jervebestanden er større enn venta.

- Vi har visst om dette i mange år. Rovdyr får store delar av Noreg, men på Vestlandet skal det ikkje vere jerv, det har Stortinget bestemt. Det er viktig at alle parter er med vidare for å finne ei løysing.