- Kroken på døra for besøkssenter

Riksantikvaren går mot det planlagde besøkssenteret fordi rasvollen rundt vil vere eit inngrep av ein slik skala at dei ikkje finn det akseptabelt.

Difor vert kommunen beden om å endre planane. Men det er lite truleg at det skjer seier Dvergsdal

- Eg trur at det ikkje blir noko nytt prosjekt med nye endringar av dei planane som er der. Då vi mottok denne meldinga i dag, trur eg det besøkssenteret som har vore jobba med blir lagt dødt.

- Kvifor vil de ikkje endre planane ?

- Det vert eit stort paradoks at ein skal i gang med eit nytt prosjekt med å grave seg inn i bakken, når vi i samarbeid med kulturetaten og fylket har funnet ut at det forslaget vi hadde var det beste.

Skal handsamast av kommunestyret

Saka skal handsamast av politikarane i kommunen før endeleg vedtak vert gjort. Men ordføraren har ikkje noko tru på at kommunen kjem til å gå vidare med denne saka.

- Eg trur det blir vanskeleg å bruke noko meir tid på dette no. På eit eller anna tidspunkt må ein seie at vi må la dette her i beste fall kvile.