Diverre for arrangørane var postane for effektar og tivoli/stand for små til å rette opp den skakkøyrde økonomien. Førebelse tal viser at Tall Ships Races Måløy havarerte med eit kroner. Underskotet er det i "Sjøens OL" og .
HØYR:
- Status Quo skulle vi aldri teke på oss, sjølv om konserten hadde eit greitt inntektsbilete. Det var for høg risiko og eg trur alle i Måløy ville vore like nøgde med arrangementet om den ikkje var med. Det var også vel dristig å legge inn positivt resultat på transport. Her burde vi stukke fingeren lenger ned i jorda. Vi skulle heller aldri teke på oss serveringa, seier rådmann Ørjan Raknes Forthun i Vågsøy kommune.
SJÅ TALA NEDERST I SAKA.
Auka utgifter
Det er utgiftene for å få inntekter som øydela på arrangementet i Måløy. Tala vart dobla i løpet av 2008 og tredobla i høve 2007-budsjettet. Paradokset var at inntektene utvikla seg motsatt veg. Hovudårsaka er det venta besøkstalet på 15.000 gjester per dag.
SJÅ:
- Ser ein på "pålagde utgifter", så er det veldig lite avvik i høve opprinneleg budsjett. Hadde vi hatt noko aning om kor mykje publikum vi kunne vente oss, så hadde vi teke heilt andre avgjerder, konkluderer Forthun.
Måtte auke utgiftene
Etterkvart som kommunen tok på seg å stå for arrangement, auka utgiftene. Forthun seier at arrangementa ikkje låg inne i byrjinga.
LES OGSÅ:
- Ting endra seg undervegs. For å ha tilstrekkeleg opplegg for 15.000 besøkande kvar dag, så måtte arrangementet bli meir omfattande. Auke i utgifter vart alltid sett i samband med auke i inntekter, legg rådmannen til.
Omfattande arrangement
Den største utgiftsposten er utan tvil eigne arrangement der overforbruk og sviktande inntekter gjev ein samla budsjettsprekk på 4,4 millionar kroner. Posten dekkjer alle skipsparty for næringslivskundar og all serveringsaktivitet retta mot publikum og kulturarrangement i høve artistar og kostnadar med det. Forthun seier at behovet for å spreie gjestene frå nord til sør i Måløy, gav meir omfattande arrangement og ekstra kostnadar.
- At vi måtte leige inn personell til matlaging og servering, som i utgangspunktet ikkje var lagt inn, er ein reell faktor for overskridinga. Dette åleine utgjer 500.000 kroner, samstundes som vi også betalte lag og organisasjonar 500.000 kroner for dugnad, seier Raknes Forthun.
- Kan ikkje forklare
Heller ikkje budsjettet for kulturarrangement viste seg å halde. Posten inneheld ikkje den , men auka frå 1,250 millionar i 2004 til 2,350 millionar då budsjettet vart oppdatert i 2007. Det førebelse rekneskapen viser 3,8 millionar kroner.
- Posten omfattar alt som har med artistar, scene og lys. Posten har eg ikkje fått godt nok gjennom, så eg kan ikkje på ståande fot forklare overforbruket, seier Raknes Forthun.
Dyr buss- og båtrute
Posten for logistikk og parkering auka frå 537.500 kroner i 2004 til ein million då budsjettet vart oppdatert tidleg i 2008. Arrangørane brukte over tre gonger så mykje - sjølv om ein kutta bussrutene til Eid og Selje. Med venta 15.000 besøkande, frykta arrangørane trafikkaos og sette difor inn buss- og båtruter mellom Måløy og parkeringsplassen på Trollebø.
- Det opprinnelege opplegget ville ikkje takle den faktiske publikumstilstrauminga som var venta. Men opplegget vart for omfattande i høve publikum som kom. Av tre millionar gjekk to millionar til buss- og knapt millionen til båtar, fortel rådmannen.
Minus på overnatting
På grunn av mindre publikum enn venta, tapte arrangørane 300.000 kroner i overnatting. Dette var ein post som først dukka opp i førebels rekneskap. Rådmannen seier at dette ikkje var noko forgløymelse.
- Vi sleit i byrjinga med å få nok overnattingsplassar til sponsorar. Vi hadde heller ikkje nok hotellskip til det som var venta. Opprinneleg var det tenkt å fakturere sponsorane direkte utan at dette gjekk inn i rekneskapen vår. Dette vart endra på tampen, seier han.