Kvinne tiltalt for SMS-terror

I midten av november må ho møte i retten, tiltalt for omsynslaus framferd.

- Det er både sjikane og meldingar med normalt innhald, men det er ikkje snakk om truslar. Det er mengda av meldingar som er hovudproblemet, seier politiadvokat veed Sogn og Fjordane politidistrikt, Sissel Kleiven, til VG.

Bombarderte mannen

I følgje tiltalen som no er teken ut mot kvinna, vart meldingane sende i ei slik mengde og hadde eit slikt innhald, at dei var plagsame og krenkande på mannens fred. Kvinna prøvde å reparere forholdet til mannen, medan nokre meldingar gjekk på daglegdagse ting i høve paret sine felles barn.

I tillegg til å ha bombardert mannen med SMS, er kvinna tiltalt for å ha ringt han fleire gonger og å ha kalla han med ukvemsord.

600 brot på kontaktforbod

Kvinna fekk først ei åtvaring, men det stogga ikkje henne. Det gjorde det heller ikkje betre at kvinna vart meld til politiet og i oktober i fjor fekk besøks- og kontaktforbod. Dei siste meldinga vart sende 14. september i år

Til saman har ho brote forbodet 600 gonger. Forsvararen til kvinna vil ikkje kommentere saka.