Det vart først meldt at det var 85 maskinar vekke.
Politiet fekk melding om innbrotet like før klokka 14, og politi er no sendt til skulen for å etterforske saka.
- Vi er svært interesserte i tips viss nokon har sett noko, seier operasjonsleiar Einar Vereide ved Sogn og Fjordane politidistrikt.
Innelåste i skap
Driftsleiar ved skulen, Kåre Myklebust, seier laptopane har ein verdi på over 600.000 kroner.
- 70 av datamaskinane stod innelåste i tre skap på eit overvaka rom. Dei andre stod på arbeidsrommet til lærarane.
- Umogeleg å omsetje i Norge
Myklebust seier at tjuven eller tjuvane har teke seg inn eit vindauge på arbeidsrommet.
- Alle datamaskinane er merka med nummer og innbrent med Svelgen skule. Eg meiner at desse laptopane er umoglege å omsetje i Norge, seier han.
Har du tips i saka, kan du ringe politiet på telefon 02800.