Sjå gullkampen på TV

Frå og med neste haust kan du sjå fjorårets gullgutar frå Førde på TV.

- Det vil bety mykje for volleyballsporten. Dette er toppidrettsutøvarar som brukar all si tid på det. Etter mi oppfatning fortener dei å bli sett på TV også, jublar styreleiar Helge-Robert Midtbø i Førde volleyballklubb.

TV2 eller NRK

Klubben har leika med tanken om å få dekka kampane sine på TV. Generalsekretær Arne-Morten Knutsen i Norges volleyballforbund fortel at dei er berre nokre frå brikker frå å realisere desse tankane. Mellom desse er sponsoravtalane.

- Vi har god dialog både med TV2 og NRK i høve sendeflate og den biten der. No gjenstår det mest å kome til semje med klubbane for korleis vi byggjer opp sjølve TV-ligaen, seier han.

Fem ivrige klubbar

Kven som står for den beste TV-produksjonen, avgjer kven som får avtalen om å sende Eliteserien i volleyball. Dette er noko forbundet vil ta stilling til dei næraste dagane.

I tillegg til Førde har Tromsø, Kristiansund, Randaberg og Nyborg også ivra etter å få volleyballen gjennom TV-ruta til det norske folk.