Nordfjording på bombetoget

Bjørn Brandvoll. Foto Asle Veien © NRK.

Bjørn Brandvoll frå Hornindal var på toget som vart råka av fleire bombeeksplosjonar i Madrid torsdag. Han var på veg til flyplassen då det small, men sat heldigvis heilt framme i toget.

Publisert 11.03.2004 11:04. Oppdatert 12.03.2004 08:36.

Skriv ut
Del/tips

Av:

Lars Petter Degnepoll

Jostein Nyfløtt

198 personar skal vere drepne og fleire hundre er skadde i fleire eksplosjonar i tog i Madrid i morgontimane torsdag.

Brandvoll fortel om eit kraftig smell som kom heilt utan forvarsel. Brandvoll seier det var fullstendig kaos på staden etter eksplosjonen, med folk som sprang som gale til alle kantar.

Røyklukt

Brandvoll fortel at han ikkje vart redd, men at han sprang så fort han kunne ut og fann seg ein drosje. Han var kring 700 meter frå då det small, og fleire timar etterpå kjenner han røyklukt av kleda sine.