- Når me fyrst set i gang ein etterforsking, så må han halde ein viss kvalitet, seier Iden.
Han kan ikkje forstå at bøndene kjenner seg mistenkeleggjort.
- Eg kan skjøna at den dette gjeld synst det er ubehageleg, men ikkje kvifor bøndene bryr seg, seier han.
- Feil ressursbruk
Etter at ein jerv vart skoten i Stryn sist veke har politiet gjennomført rekonstruksjon, medan Veterinærinstituttet i Trondheim har obdusert jerven for å finne ut om han vart skoten i naudverje.
- Det er ei mistenkeleggjering av bøndene når politietterforskinga av ein skoten jerv minnar om ei drapssak, meiner saueeigar og styremedlem i Norsk Sau og Geit, Erling Offerdal.
Sjå
- Bak mål
Ressursbruken er heilt bak mål, meiner Offerdal
- Det er ikkje noko drap på eit menneske dette her. Vi må bruke litt sunn fornuft av og til.
Sauebønder fleire stader i fylket er sjokkerte over ressursbruken i samband med politietterforskinga av jerven som vart skoten i Stryn sist veke.
- I staden for å bruke store ressursar på etterforsking, burde dei ha flytta ressursane over til førebyggjande tiltak.
Det seier leiar i Skjolden sankelag Arne Øvreås.
- Sjeldan hending
Politiet har sett i verk ein omstendeleg prosess med rekonstruksjon av hendinga og send jerven til obduksjon for å verkeleg finne ut om han vart skoten i naudverje slik bonden hevdar.
Sjå
Lensmann i Stryn Inger Lill Lanes
Foto: Vegar Erstad / NRKJerven er freda og det er ikkje lov å skyte han utan særskild fellingsløyve. Difor prioriterer politiet dette arbeidet seier lensmann i Stryn, Inger Lill Lanes
- Det er ganske sjeldan at totalt freda rovdyr blir skoten. Og derfor vil vi gjere dette grundig når det først skjer.
- Held oss innanfor lova
Også sauebøndene meiner det må ei etterforsking til. Men sidan det var sendt søknad om fellingsløyve på jerven, meiner dei ei slik omfattande etterforsking er med på å mistenkeleggjere bøndene.
- Vi legg heile tida vinn på å halde oss innanfor lova. Difor blir vi ekstra skuffa når vi blir møtte med så stor misstillit, seier sankeleiaren i Skjolden.
Men leiar i Sogn og Fjordane Småbrukarlag, Ingolf Folven, er ikkje samd i dette.
- Politiet får gjere ei vurdering av kva som er naudsynt. Samstundes kan det vere greitt at det vert gjort eit grundig arbeid med dokumentasjon, for då slepp ein spekulasjonar i etterkant, seier han.