Fredag kveld var journalist Tor Yttri i Sogn Avis med eit turfølgje som fann bjørnespor på Flatbreen.
- Vi hadde starta nattskituren over breen frå Fjærland til Jostedalen, då vi gjekk på bjørnespora fremst på Flatbreen, like før ein kjem over på Supphellebreen. Akkurat kor ferske spora var er umogeleg å fastslå, men etter den sterke smeltinga den siste tida er dei neppe særleg meir enn eit døger gamle, truleg ferskare, seier Yttri til si eiga avis.
Fleire observasjonar
Yttri har tidlegare sett mange jervespor i indre Sogn og bjørnespor i Nord-Amerika. Han var også i Mundalsdalen då det vart funne spor etter bjørnen der.
Statens Naturoppsyn skal no studere fleire foto av spora som vart funne på breen.
, ni kilometer utanfor sentrum i retning Jølster. Laurdag morgon vart det også meldt om bjørn ved Moskog, berre nokre få kilometer lenger aust.
Nær skulen
Fredag vart det funne tre nye sauekadaver i Fjærland, to av dei berre 600-700 meter frå skulehuset. Sogn Avis skriv at sauebonde Erik Distad fann sauene i området under Nesahaugen. Rovviltkontakt Einar Fortun stadfestar at alt tyder på at dei tre sauene er drepne av bjørn. Han meiner desse sauene vart drepne omtrent på same tid som sauene som vart funne i Mundalsdalen i pinsa.
Også i Gaular er det funne sauer, som fagfolka meiner kan vere offer for herjingane til bjørnen.