Fryktar gyrosmitte i Sogndalselva

Prøvar blir no analyserte etter at det er funne død fisk i elva. Fylkesveterinær Martin Binde seier situasjonen er alvorleg.

- Ja, me trur det er større sjanse for at det er gyro-smitte enn at det ikkje er det, seier fylkesveterinær Binde.

Fryktar smittespreiing

Han fryktar at også andre vassdrag i Sogn kan vere smitta. I 1997 vart det oppdaga gyrodactylus salaris i Lærdalselvi.

- Om lakseparasitten har smitta frå Lærdalselvi til Sogndalselvi, er risikoen stor for at også andre vassdrag i regionen er smitta, seier Binde.