Teateret provoserer motorsporten

Sogn og Fjordane Teater og Terje Lyngstad trassar politiet og vil likevel sette opp stykket "Burn, Baby, Burn".

LES OG DEBATTER: Her mistar Arild førarkortet

Kallar det autoslalåm

Sentralstyremedlem Frode Steen i Norsk Motorklubb jobbar til dagleg med motorsporttryggleiken og er provosert med teatersjefen sine planar om teater og bilsladding.

LES OGSÅ: Endeleg nei til råneteater

- Han lager eit inntrykk av at berre det blir kalla bilsport og autoslalåm, så driter ein i tryggleiken. Eg veit kor seriøst Norges Bilsportforbund tek tryggleiksarbeidet, seier han.

Mektig irritert

- Når han seier at han ikkje bryr seg om kva politiet seier fordi han får løyve frå Norges bilsportforbund, då blir eg mektig irritert, seier Steen.

LES OGSÅ: Farleg råneteater

- For at Terje Lyngstad og teateret skal få eit slikt løyve, så må dei vere tilslutta ein motorklubb i Norges bilsportforbund, held han fram.

Skuffa Lyngstad

Teatersjefen er skuffa over kritikken frå Frode Steen.

- Eg har aldri sagt at tryggleiken til Norsk Bilsportforbund er dårleg på nokon måte, seier han.

Fredag mista Arild Reiakvam førarkortet då han "burna" til ære for ein BT-fotograf i samband med ein omtale av teaterstykket.

LES OGSÅ: BT-redaktøren: - Dette var dumt