Det vil seie at trafikkavviklinga er i ferd med å betre seg.
- I ettermiddag har folk venta både to og tre timar før dei har kome seg frå kai til kai, seier Geir Ove Øksnes.
Han er skipsførar på M/F Gloppen.
Alle kjem over
- Vi hadde ikkje venta noko anna i dag. Etter langhelg og høgtid for konfirmasjonar blir det alltid litt venting ved ferjekaiene, fortel driftsleiar Oscar Bergheim i Fjord 1 Fylkesbaatane.
Han forsikrar om at alle ferjer vil gå så lenge det er folk som skal over.
- Det er ingen som treng å vere redd for å ikkje kome med, seier Bergheim.
Ingen sure miner
Sjølv om ventetida har vore lang for mange, har det vore få klager, fortel skipsførar Øksnes.
- Med det vêret vi har hatt i dag, har det vel vore ein fryd å vente.