Landets beste bygdebutikk

I dag fekk Ole Svanøe overrekt prisen for årets bygdebutikk av kommunalminister Magnhild Meltveit Kleppa. Det er Merkurprogrammet, som arbeider med utvikling av dei aller minste butikkane i landet, som deler ut prisen på 40 000 kroner.

Overraska butikkstyrar

Ole Svanøe tok over nærbutikken på Svanøy i Flora kommune for 3 år sidan. Då hadde den vore nedlagt i eit halvt år. Han var ikkje budd på å vinne denne kåringa.

– Eg har ikkje drive på så lenge, eg er meir for ein læregut å rekne. Dette var svært uventa.

Gode kundar

Svanø håper prisen gjer at folk får augene opp for kor viktig det er å handle på nærbutikkane. Han seier at dei minste butikkane har vanskeleg konkurranse med dei store butikkjedene. Men han seier at han er heldig med kundane sine.

– Eg har svært lojale kundar her ute.