11.02.2012

Server til hamn for siste gang

Server (arkivfoto) (Foto: Stadt Sjøtransport AS)

Søndag ettermiddag kom Server til hamn for siste gang - i Esbjerg i Danmark.

- Turen har gått heilt fint den, seier skippar Lennart Henden i Stadt Sjøtransport.

Server-slepinga starta frå Høylandsbygd ved Stord klokka 20 onsdag kveld, og var framme i Danmark i 15-tida søndag ettermiddag.

No skal dei 112 metrane med Server-restar høggast til skrapjern.

- Eg veit ikkje heilt når det vert, men reknar med det skal skje ganske snart, seier Henden.

Lasteskipet Server gjekk ned utanfor Fedje i Hordaland 12. januar 2007, og 230 tonn tungolje fordelte seg utover kysten av Hordaland og Sogn og Fjordane.