LES OGSÅ:
Politiet fekk melding brannen på Grodås Camping i Hornindal klokka 04.22 natt til laurdag.
SJÅ:
Ektemannen send til sjukehus
Eit ektepar i sekstiåra frå Sunnmøre budde i vogna. Ifølgje politiet vakna dei truleg av røykvarslaren, men berre mannen kom seg ut.
- Den andre personen ligg til observasjon på Nordfjord Sjukehus på Nordfjordeid med lettare skader, opplyser informasjonssjef Vidar Vie i Helse Førde. Det var andre personar på staden som varsla brannen.
Ukjent brannårsak
- Førebels er brannårsaka ukjent. Det er lite igjen av campingvogna, seier operasjonsleiar Inge Værøy i Sogn og Fjordane politidistrikt.
Politiet vil bruke dagen til å undersøke den utbrende campingvogna.
Prega av ulukka
Dagleg leiar Rolf Kobberstad ved Grodås Camping er prega av ulukka.
- Det er forferdeleg trist. Grusamt trist. Så mykje meir å seie er det ikkje. Eg veit ikkje kva brannårsaka kan vere. Vogna og spikerteltet er omtrent nedbrunne. Så alt er stort sett vekke, seier han.
- Korleis er stemninga blant dei andre bebuarane?
- Nei, den er sjølvsagt ikkje noko særleg, fortel Kobberstad.