I utgangspunktet skal all opplæring i vidaregåande skular vere gratis. Uvissa er knytt til om dette også gjeld skuleturar.

Gjorde det verre

Frustrasjonen hjå utdanningssjefane vart ikkje mindre etter at kunnskapsminister Bård Vegar Solhjell prøvde å klare opp i prinsippet. Statsråden sa då at ein obligatorisk eigendel er i strid med lova, men at eleven kan betale om det er frivillig. Samstundes sa han at alle har rett til å bli med uansett om ein har betalt eller ikkje.

- Eit slikt prinsipp er svært vanskeleg å følgje i praksis. Kven skal vurdere kven som har evne og vilje til å betale, seier fylkesdirektør for opplæringsavdelinga hos fylkeskommunen Bekka Skaasheim.

- Vil sjå på saka

No vil KS ta saka vidare med ein formell førespurnad til departementet om klargjering av prinsippet. Statssekretær i kunnskapsdepartementet Lisbet Rugtvedt seier at dei igjen vil sjå på saka.

- Når så mange framleis tykkjer at dette er uklårt, vil vi sjå på kva måte vi kan gjere dette endå klarare, seier ho.