Det blir dyrare å bu i vest

Medan kvadratmeterprisen går ned på Austlandet, og då spesielt Oslo, er prisutviklinga på burettslagsbustadar på full fart oppover på Vestlandet og i Midt-Noreg.

Dyrare i vest

Det viser tal frå Garanti Eigedomsmegling sine avdelingar i Bergen, Ålesund, Molde, Årdal og Førde.

- Her har det derimot vore ein prisoppgang i november, med heile fem prosents auke i høve til oktober månad. Midt-Norge med Trondheim og Verdal kan vise til fire prosents auke i bustadprisane, seier Stein Drogseth, som er administrerande direktør.

Oslo dreg ned

På landsbasis gjekk prisane på omsette burettslagbustadar ned med 3,1 prosent frå oktober til november i år. I november betalte huskjøparane i november 20.272 kroner per kvadratmeter. På same tid i fjor var prisen 2,2 prosent lågare, altså 20.719 kroner. I hovudsak er det utviklinga på Austlandet med Oslo som i størst grad trekk bustadprisane ned.

- Vi har fått inn færre oppdrag i november månad, men det er typisk for årstida vi er inne i no. Tal selde einingar i november er om lag det same som for oktober, seier Drogseth.