Hopp til innhold

Sluttar med sauer i Vingen

Store sauetap fører til at det kan verte vanskeleg å få sauer til beiting i helleristingsfeltet i Vingen i Bremanger.

Rolf Vingen har mista 10 av dei 14 sauene som i sommar beita og heldt nede vegetasjonen i Vingen, og han sluttar difor no med sau.

I fjor mista han 7 av dei 15 dyra han sleppte på beite i området, og han reknar med at det er rovdyr som har tatt sauene.

Den andre saueeigaren som har beitedyr i Vingen sluttar også med sau komande haust.