Håp om pølseproduksjon fredag

Mattilsynet gav berre løyve til start i ein liten del av produksjonen onsdag.

- Viktig å kome i gang

Anlegget har vore stengt i to veker på grunn av E.coli-funn i morrpølse, og fleire av dei tilsette er framleis ute på avspasering.  

Informasjonssjef i Gilde Vest, Grete Skundberg, seier det er viktig at dei no får kome i gang med produksjon av pølser.

- Det er klart at dette er ein vesentleg del av produksjonen i Sogndal, og det er difor vi førebur og håpar på ein start på fredag.

Enkelte tek ut feriedagar

- Kva blir situasjonen for dei tilsette dersom denne produksjonen ikkje kjem i gang raskt?

- Det spekulerer vi ikkje i, det er ein god dialog mellom leiinga og dei tilsette på anlegget, så det er noko vi diskuterer. Pr. i dag er nokon av dei tilsette i arbeid att, enkelte held framleis på med dei 75 timane med avspasering, og andre har teke ut nokre feriedagar.

- Håpar å vere i gang fredag

- Når må de i gang med full produksjon for å unngå permitteringar?

- Det har vi ikkje teke stilling til no. Som sagt førebur vi til start av pølseproduksjon fredag, og då håpar vi å vere i gang.