Gode råd om du møter bjørn

- Du skal ikkje snu ryggen til og legge på sprang. Då vert bjørnen nyfiken, eller du vekkjer jaktinstinktet, seier Ole Jakob Sørensen.

- Er skremt

Fleire innbyggjarar er uroa etter at det på nytt er observert bjørn i Eikefjord. Onsdag såg Haldor Tonheim ein bjørn krysse vegen få meter frå bustaden til Ellen og Reidar Ulfstein.

Høyr: Såg bjørn igjen

- Eg tykkjer det er skummelt og skremmande. Eg er ikkje hysterisk, men spent, seier Ellen Ulfstein. Ole Jakob Sørensen er førsteamanuensis ved Høgskolen i Nord-Trøndelag. Han er elgjeger og har ved fleire høve møtt bjørn.

- Bruk bjørnespråk

Sjølv tykkjer ikkje Sørensen at det er så skremmande å møte på bjørn i skogen. Han seier bjørnen er folkesky og vanlegvis ikkje er farleg.

- Har du støtt på ein bjørn, så er det fordi at den ikkje har fått med seg at du er der. Men då er det viktig å ta det med ro. Får du bjørnen på nært hald, skal du gje deg til kjenne. Bruk roleg stemme, medan du ryggar attende og har augekontakt med bjørnen, seier han.

Høyr: - Bruk bjørnespråk