Det var eigaren sjølv som fann den skadde sauen på eit beite like ved riksvegen måndag. Sauen måtte avlivast av veterinær.
Kring 100 meter frå sauen utan hale fann bonden også ein annan av sauene sine - daua. Denne sauen var sprengd, det vil seie at den hadde sprunge seg i hel.
Saka vil verte melde til politiet på tysdag. Verken politiet eller bonden veit kva som har skjedd med sauene.
- Vi veit ikkje om det er ein hund, rovdyr eller menneske som har vore på ferde. Difor vil vi gjerne kome i kontakt med folk som kan ha sett noko, seier lensmann Bård Didriksen i Selje.