Erlend Blaalid Oldeide

Erlend Blaalid Oldeide er fødd i 1984 og kjem frå Raudeberg i Vågsøy kommune.

Han har ei politisk karriere bak seg og sat i kommunestyret i Vågsøy for Arbeidarpartiet frå 2003 til 2006. Han var samtidig fyrstevara i formannskapet og til hovudutval for opplæring i Sogn og Fjordane. Han har vore leiar i Vågsøy AUF, og site i styret for AUF Sogn og Fjordane. Han har også eit årsstudium i administrasjon- og organisasjonsvitskap ved Universitetet i Bergen bak seg.

Han byrja si journalistiske karriere på Nynorsk mediesenter i Førde i januar 2006. Her hadde han praksistid hjå NRK Nordland i Bodø, der han jobba vidare i eitt år i vikariat, før han kom tilbake til fast jobb i Førde og NRK Sogn og Fjordane i september 2007.

No kan du høyre han som programleiar ettermiddagssendingane, og i tillegg som reporter på radio og TV.

Han har ei glødande interesse for fiskeri og maritime næringar, og har brukt fleire somrar langs samlebanda til fiskeselskapet Domstein på Raudeberg. Dessutan er han svært glad i mora sine fiskekaker.

Send e-post til Erlend Blaalid Oldeide

Erlend Blaalid Oldeide på Twitter