Krev innsats frå oppdrettsnæringa

Talet på rømt fisk er det høgaste på tre år. - Det er næringa som har ansvaret, seier Fiskeforvaltar hjå Fylkesmannen Eyvin Sølsnes.

Har brukt fiskestonga

Etter at laks har rømt har folk vorte oppmoda til å finne fram fiskestonga. Men det er ein for dårleg måte å ordne opp på, meiner Sølsnes.

- Det er for mykje fisk som rømmer til at det kan overlatast til frivillege fiskarar.

Vorte flinkare til å melde frå

Regiondirektør Hans Haddal i Fiskeridirektoratet meiner likevel at oppdretterane har vorte flinkare til å melde i frå.

- At det er meldt frå om fleire tilfeller tyder ikkje det same som at det har rømt fleire fisk i år enn tidlegare.

Avgjerande

Sølsnes hjå Fylkesmannen er klar på at rømminga må reduserast.

- Rømt oppdrettsfisk er ein av dei største truslane mot den atlantiske laksen. Det er heilt avgjerandre at rømming vert redusert til eit mininum. I haust har vi sett at det er veldig langt att.